fbpx

عن الموقع واهدافه

،اهلا بيك
انا محمد ابوالوفا, مؤسس موقع الفريلانسج الذهبي

الهدف الاساسي من الموقع هو مساعدة الاعضاء تبني بزنس ناجح كفريلانسر تقدر تحقق منه دخل ثابت
ومستقر بدون الاعتماد علي مواقع الفريلانسج زي :

Upwork، Freelancer, Guru, People per hour
، خمسات، مستقل

وانها تتغلب علي المشاكل والعقبات الي بتقابلهم من اول البداية لحد ما يبقي عندهم بزنس ناجح.

:لو لسه بتبدأ ، اكيد بتواجهك مشكلة من دي

زهقت من شغلك او من الوظيفة، ضغط نفسي ومجهود وتعب المواصلات وفي الاخر مفيش تقدير مادي او معنوي

مضطر تشتغل حاجة مش بتحبها او في مجال معندكش شغف ليه

السبب الرئيسي انك مبدأتش او خايف تبدأ، ان وراك مسئوليات وبيت ومصاريف مينفعش تغامر او تخاطر

بقالك كتير بتتعلم او بتحاول تبدا وكل ما الوقت بيطول خوفك وقلقك بيزيدوا غير الاحراج والاحباط من الناس اللي حواليك

حاسس من جواك انك مش هتوصل- مهما عملت او حاولت -أو ان الوقت اتأخر خلاص

لو بدأت واشتغلت بالفعل، اكيد واجهت المشاكل دي

مش عارف تحقق دخل ثابت مستقر من الفريلانسج ولا عارف تستمتع بحياتك، شهر مطحون
وشهر مش لاقي عميل واحد

تعبت من العملاء اللي عايزين احسن جودة في اسرع وقت مقابل اقل سعر، ونفسك تشتغل مع عملاء تقدرك وتقدر مجهودك وعارفة قيمة شغلك

دايما قلقان من المنافسة و الآلاف اللي بتدخل مجالك كل يوم، وبتقلل سعر السوق عشان تقدر تبدا
ومن الحيتان والناس القديمة اللي خبرتها اعلي منك

خايف من الاعتماد علي مواقع زي ابورك كوسيلة اساسية عشان تجيب عملاء خصوصا بعد المشاكل الاخيرة وقفل الحسابات


! يبقي انت وصلت للمكان المناسب

الحقيقة ان الفريلانسج - زيه زي اي بزنس - في العصر الحالي ووسط المنافسة الشرسة ،
محتاج انك تكون خبير في التسويق، المبيعات، فنون التفاوض والاقناع ومهارات ادارة الاعمال
اكتر من المهارة الاساسية او التقنية الي بتقدمها ( زي الكتابة، التصميم او البرمجة مثلا ) ،
عشان تقدر تلاقي شغل وتتحدد سعرك ،وتقدر تزوده في المستقبل
وانك تحقق مصدر دخل ثابت تقدر تعتمد عليه.

طيب ازاي تتعلم كل دا وسط مسئوليات الحياة والاسرة وضغط الشغل؟

بدل ما تضيع وقت وانت بتدور علي اجابات وسط ملايين الكتب، المواقع و البوستات ، و وقت اكبر وانت
،بتجرب ومش عارف ايه الصح وايه الغلط..
! انضم لينا

هنا هتلاقي اجابات وحلول عملية وخطوات محددة عشان تبني بزنس ناجح كفريلانسر، مش كلام عايم او حكم و امثال زي
” متدورش علي الفلوس ” ,
” قدم جودة كويسة ”,
” سلم الشغل في ميعاده“ ,
” اعمل الصح“

هشارك معاك الاستراتيجات الي استخدمتها والحاجات الي اتعلمتها،الغلطات الي عملتها
من اول ما بدات بسعر ١٠ دولار في الساعة ومش عارف الاقي شغل
لحد ما بقيت بساعد العملاء بتوعي يبنوا بزنس ناجح وسعر ساعة 200$ علي موقع ابورك
و 550$ كفريلانسر مستقل

سجل ايميلك وانضم لينا ، عشان يوصلك المحتوي الحصري