fbpx

كلمات واخطاء بتدمر البروبوزال بتاعك

devin-avery--Ds7O9Y1_80-unsplash

اثناء كتابة البروبوزال proposal للعميل ، فيه اخطاء وكلمات ممكن متاخدتش بالك منها

الا انها في الحقيقة بتدمر فرصتك في ان العميل يشوفك كشخص محترف وانه يرد عليك

الغلطات دي انا بشوفها بشكل متكرر سواء في البروبوزالز اللي بتوصل ليا ،
او اللي بيكبتها اعضاء الجروب او الكورس وبتبعتها ليا عشان تاخد رأي او نصيحة فيهم

في المقال ده ، هنشوف مع بعض اكبر الغلطات دي عشان تقدر تتجنبها وتزود فرصتك في ان العميل يرد عليك
ويشوفك كشخص محترف يقدر يثق فيه

Hi sir/madam -

اول غلطة بتحصل في اول جملة بيكتبها الفريلانسر اثناء كتابته للبروبوزال ، وهي انه بيبدأ بجملة

Hi Sir/Madam/Client
or
Dear Sir/Madam/Client

السبب في الغلطة دي ، ان معظم الناس اتعلمتها في المدرسة او في كورسات الانجليزي
او حتي عن طريق البحث في جوجل

وهي معتقدة ان هي دي الطريقة الرسمية عشان نبدأ اي خطاب او رسالة رسمية
لكن في الحقيقة دي اسوأ بداية ممكن تبدأ بيها اي بروبوزال

في اسباب كتير ، بتخلي البداية دي سيئة جدا وبتضر البروبوزال بتاعك بس اهمها


- ان البداية دي بتوضح للعميل ان دي رسالة عامة ، مش موجهة ليه بشكل شخصي
ودي اسوأ حالة ممكن تحط نفسك فيها

( اسأل نفسك ، بتحس بايه لما حد يبعت ليك رسالة تهنئة في اي عيد او مناسبة وتبقي حاسس ان دي رسالة عامة بعتها لكل الناس اللي عنده ؟

- تاني سبب، هو انك بتخلي العميل يحس انك روبوت او موظف كاشيير مثلا وده بيضرك بشكل كبير

لانك المفروض عايز تخلي العميل يحس انك شخص محترف واستاذ في المجال بتاعك، مش مجرد موظف او روبوت .

خصوصا كمان لانك بتكلمه اونلاين . هو مش شايفك ولا سامع نبرة صوتك
( هل عمرك زرت اي محل ، ولقيت صاحب المكان بيقول ليك اهلا عزيزي العميل او اهلا يا زبون ؟)

- مش المفروض ان العميل يحس ان طريقتك في التعامل رسمية زيادة عن اللزوم ، الحالة اللي المفروض العميل يحس بيها هي انك صديقه المحترف في مجال معين واللي بيعرض عليه المساعدة


طيب ازي تتجنب المشكلة دي و المفروض تبدأ بايه؟

لو عارف اسم الشخص اللي بتتواصل معاه ، ببساطة هتحييه باسمه

Hi {Client Name},

لو كانت شركة مثلا، ومش عارف اسم الشخص اللي هيقرأ الرسالة بتاعتك ، تقدر تستخدم

Hi {Company Name} ' team ,

لو مش عارف اي حاجة من دول ، (المفروض تدور عليهم بس بفرض انك مش قادر توصل ) هتستخدم

Hi there,

اي جملة من دول، هتكون افضل كتير من الجملة التقليدية وهتتجنب المشاكل الكتيرة المرتبطة بيها .


Me, Myself and I -

ودي في الحقيقة مش كلمة ، لكنه اسلوب بيتبعه فريلانسرز كتير للاسف واحيانا من غير ما ياخدوا بالهم

الغلطة هنا ، انهم بيتكلموا عن نفسهم ، وعن نفسهم وبس في البروبوزال .
٩٠٪ من البروبوزال بيكون جمل
بتبدأ بكلمة انا او I

لازم تعرف ان البروبوزال مش مكان لقصة حياتك او لخبراتك وانجازاتك الشخصية
وان العميل مش مهتم انه يقرأ او يعرف معظم الكلام ده
العميل مهتم بحاجة واحدة بس، المشكلة بتاعته وازاي تقدر تحلها

عشان كده بدل ما تضيع وقتك ووقت العميل في الكلام عن نفسك ، اتكلم بس عن ازاي تقدر تساعد العميل
وازاي تقدر تحل مشكلته
البروبوزال لازم يكون ٩٠٪ منه بيتكلم عن العميل مش عنك انت


I am the perfect match for this job -

اوعي تستخدم الجملة دي بالتحديد ، او الاسلوب ده بشكل عام

مفيش حد هيشغلك معاه ، عشان انت شايف انك احسن حد للشغل ده
لازم يكون العميل شايف ومقتنع بده.

وهنا لازم يكون اسلوبك
Show , Don't tell

يعني عايز تعرف العميل انك احسن حد يعمل الشغل ده
وريه مثال لشغل قديم عملته ، كان مطابق للمهمة اللي العميل عايزها

عايز تعرف العميل انك فهمت المطلوب والمشكلة بشكل كويس
اتناقش معاه فيها ، واتكلم معاه في تفاصيل المشكلة او المشروع

عايز تعرفه انك شخص مبدع وبتقدر تلاقي حلول للمشاكل الصعبة او المفاجئة
عرفه ايه اخر مشروع اشتغلت فيه ، وفجأة ظهرت مشكلة كبيرة وازاي قدرت تتصرف وتحلها

Show don't tell


Check my last work (or) -
Here is a link to my portfolio

واحدة من اشهر الجمل المتكررة في ٩٨٪ من البروبوزالز ، علي الرغم انها بتقلل فرصتك في ان العميل يشوف شغلك ، او انه يفتح اللينك ده اساسا

ببساطة العميل مش مهتم ولا عنده وقت انه يشوف نماذج من اعمالك ، ولا انه يقضي ساعة مثلا
بيشوف كل مثال منهم ، عشان يلاقي حاجة قريبة من الشغل المطلوب او المشكلة اللي بيحاول يحلها

العميل منزل بوست عشان يلاقي حد يحل مشكلة محددة او ينفذ ليه مهمة معينة
يبقي لازم تبعت ليه المشاريع او النماذج اللي تكون قريبة جدا او مطابقة للشغل اللي هو عايزه

والافضل لو تعرفه ايه المشروع او اللينك اللي انت بعته ليه ، بيتكلم عن ايه
وليه يشوفه ، وانه مش هيضيع وقته في وسط عشرات او مئات من المشروعات
اللي معظمها بعيد تماما عن النقطة اللي بيدور عليها


Let's Start working, Right NOW! -

اوقات كتير بيكون البوست اللي منزله العميل مش موضح المشروع او المشكلة بشكل كامل
وبالتالي لما بتقول الجملة دي، او بتستخدم الاسلوب ده
العميل بيحس انك مش مهتم اصلا بمعرفة ايه المطلوب منك
وانك شخص مبتدأ ، ما صدقت تلاقي حد يكلمك او ينزل شغل في مجالك

عشان كده الصح ، هو انك تفهم ايه المطلوب بشكل كويس الأول ، وتخلي العميل يحس انك مهتم بيه وبحل مشكلته ، مش كل هدفك انك تاخد مشروع جديد وتمضي عقد وخلاص

ساعتها هتلاقي ان العميل هو اللي متحمس بيدأ شغل معاك ، وبيسألك او بيطلب منك
امتي تقدروا تبدئوا شغل مع بعض

2 responses

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *