fbpx

عقدة الانجيليزي و وازاي ممكن تحلها

Orange and Grey Speech Bubble Advice Baby Shower Card

مفيش شك ان قوتك في اللغة الانجيليزية هي مهارة ضرورية في العصر الحالي،

انت محتاجها في الدراسة والشغل والكورسات ، ولو هنتكلم عن الفريلانسج بالتحديد بتلاقي اول نصيحة

انك تطور نفسك في الانجيليزي لو مستواك قليل

بس الفكرة انك لازم تفهم انت محتاج تطور ايه وليه؟

النقطة الاساسية في الموضوع بتكون عشان التواصل مع العملاء وكتابة البروبوزال والشغل معاهم بعد كده

وهنا ناس كتير بتقلق من ان الانجيليزي بتاعها مش بيرفيكت وان ده ممكن ياثر علي صورتها لما تتواصل مع العملاء وبشكل اكبر في البروبوزال

عشان كده حابب اشارك معاكم نقطتين بخصوص المشكلة دي

١-

الموضوع ده مش بيسبب مشكلة كبيرة الا في حالة ان الانجيليزي بتاعك ضايع خالص،

بمعني انك مش قادر تفهم العميل عايز ايه او مش قادر تفهمه انت بتحاول تقول ايه

fluent انما كونك مش
في المحادثة
او ممتاز في ال grammar
دي مش حاجة اساسية ومعظمها جاي من عقدة موجودة عندنا كعرب بس.


انا اشتغلت مع عميل في استراليا كان شغال مع شركة من الهند قبلي،

كنت بقول ليه بس الانجيليزي بتاعهم صعب،

قالي ده بقالنا سنين مع بعض وكل مرة بيغلطوا في
spell بتاع اسم الموقع واصححه ليهم!

شوف لدرجة ايه،

ومع ذلك ده مكنش السبب اللي خلاهم يوقفوا شغل مع بعض واستمروا سنين.

يعني طالما انت قادر تفهم العميل عايز ايه، وتحل مشكلته وتعرف تتواصل معاه ،
الباقي شكليات

٢- طيب لو عندك عقدة البيرفيكشن او الانجيلزي عندك فيه مشاكل كبيرة ممكن تأثر علي فهم العميل ليك؟

تقدر تستخدم الاداة دي
Grammarly

الاداة دي متوفرة كاضافة للمتصفح او ويب ابليكشن
فايدتها انها بتحلل النص اللي بتكتبه وبتصحح ليك اي غلط في spelling

وبتعرفك كمان الغلطات في الجرامر وتركيب الجملة وبتديك اقتراحات.

بعد ما تسجل حساب تقدر تثبت اضافة المتصفح ودي تلقائيا هتظهرلك اول ما تحاول تكتب اي نص.

و الابليكشن بتاعهم علي الموقع بيساعدك في لو انك هتكتب في اي مكان تاني غير المتصفح،
فتقدر تعمل مستند هناك وبعدين تاخده كوبي لاي حتة تاني محتاجه فيها.

هتلاقي مميزات كتير جدا ،
زي انك تحدد النص ده رسمي ولا ودي
وايه الهدف منه ومين الجمهور المستهدف
عشان يديك اقتراحات احسن.

النسخة المجانية مناسبة جدا للناس اللي بتبدأ،

والنسخة البريميم ممتازة لو بالفعل انت شغال في اي مجال كتابة محتوي او بتتعامل مع عملاء اجانب كتير

وعشان توصل لاحسن استفادة اقترح عليك تتابع الريبورتات اللي بتقيم الغلطات اللي عملتها وبتجمعها ليك

بكده تقدر تحسن نفسك في الحاجات اللي بتغلط فيها دايما او بشكل متكرر

في المقالات اللي جاية هنتكلم عن باقي جوانب الموضوع زي المحادثة مثلا والكورسات اللي معظمها انجيليزي
لو بتحاول تتعلم اي مجال

لو عجبك المقال
انضم لينا
عشان تعرف اول ما يكون فيه مقال جديد

[mailerlite_form form_id=4]

13 responses

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *