fbpx

اشهر الغلطات اللي معظمنا بيقع فيها

krakenimages-8RXmc8pLX_I-unsplash

من خلال تجربتي مع الفريلانسج في خلال 7 سنين، وقعت في غلطات كتير خصوصا في البداية
واتعلمت من تجارب زملائي و تجارب اشهر الفريلانسرز علي مستوي العالم
في المقال ده حابب اشارك معاكم اشهر الغلطات اللي معظمنا وقعوا فيها كفريلانسرز

- معظم الناس بتقضي وقت طويل بتحاول انها تكون بيرفكت او بتستني الوقت المناسب

والحقيقة انك عمرك ما هتبدا بيرفكت، لان دي مرحلة بتوصلها بعد ما تبدأ ومع الممارسة والتطوير.
عمر الوقت ما هيكون مناسب لوحده، لان انت اللي بتخلي الوقت مناسب لما تقرر تبدأ اي حاجة وتجهز ليها وتحل العقبات اللي ممكن تكون موجودة

- معظم الناس بتهتم بالمهارات او الخدمات الي بتقدمها بس و بتهمل الباقي

اقصد ان معظم الناس بتهتم بالخدمات الفعلية ( زي التصميم، البرمجة، الكتابة، الترجمة) اللي هتقدمها للعميل، لكن في الحقيقة الاهم من ده هي مهارات التواصل وانك تقدر تلاقي العميل المناسب ليك، وتقنعه يشتغل معاك انت مش مع حد تاني من الالاف المتاحة قدامه.

- معظم الناس بدأت وهي محددة اهداف غلط

كلنا بدأنا عشان نشتغل من البيت و منتعبش في المواصلات ونقبض بالدولار ، والمميزات السطحية دي.
رغم ان الهدف الحقيقي كان المفروض اننا نحاول نبني بزنس خاص بينا يوفر أمان مادي واستقرار يخليك تقدر تعيش حياتك وتعمل الحاجة اللي بتحبها.

- معظم الناس بتهتم بطريق السحب والفلوس، و عمل الاكونت والامور اللوجستية البسيطة

بص علي اي جروب من جروبات الفريلانسج، هتلاقي معظم الاسئلة بتهتم بالنقط دي،
علي الرغم انك لو عملت سريش علي نفس الجروب برده هتلاقي الاف الردود علي نفس النقط!
سهل جدا انك تحول الفلوس بعد ما تكون معاك، الصعب انك تقدر تلاقي العملاء وتحقق مصدر دخل بشكل مستقر او ثابت

- اغلب البروبوزالز اللي بتتبعت للعملاء مش بتتقرأ اصلا، لانها مكتوبة بشكل غلط

proposals طبعا اتكلمنا في الجروب في مقالات مخصصة للموضوع ده، وازاي ان العميل مش بيقدر يقرأ كل البروبوزالز الي بيتجي ليه، وايه اللي بيدور عليه عشان يختار فريلانسر للشغل بتاعه.

- مفيش حاجة اسمها اكتر مجال مربح

فيه حاجة اسمها اكتر خدمة مربحة واحسن تارجت ماركت تستهدفه بالنسبة لمهاراتك

.في مجال واحد زي مثلا

copywriting, or web design

هتلاقي في شخص بيقدم بيكتب مقال ب١٠٠$، وشخص بيكتب مقال ب ١٠$

و شخص بيكتب

sales page

ب ١٠٠٠$ ، و شخص تاني بيكتبها لبزنس تاني ب ١٠،٠٠٠$

هتلاقي شخص بيصمم موقع ب ١٠٠٠ جنيه، و شخص بيصمم موقع ب ١٠٠٠ $

المجال واحد، لكن الخدمة اللي بتتقدم و العميل المستهدف و ال

value

اللي هتعود عليه هي اللي هتحدد سعر الخدمة بتاعتك واذا كنت هتقدر تبني بزنس مربح او لا.

- معظم الناس تفكيرها ان العميل عارف كل حاجة، وانا دوري اني انفذ اللي هو عايزه.

في احيان كتير بيكون العميل نفسه مش عارف هو عايز ايه، عشان كده راح يدور علي حد متخصص او محترف يساعده.
والعميل اللي هيجي محدد ليك كل حاجة تعملها بدون اي استشارة ليك، غالبا هيكون شخص بيدور علي موظف مؤقت عشان يديه أقل سعر.

- معظم الخدمات اللي الفريلانسرز بتقدمها، في ناس تاني بتقدمها بضعف السعر لحد ١٠ اضعافه.

فكرة ان كل العملاء عايزة ارخص حاجة دي غلط، في الغالب انت بتستهدف تارجت ماركت غلط او طريقتك في عرض الخدمة غلط.

في الوقت اللي فيه ناس بتصمم لوجو ب ١٠٠$ في ناس بتصممه ب ١٠٠٠$

في الوقت اللي كنت بصمم فيه صفحة ب ١٠٠٠$، كان فيه ناس تاني بتصمم صفحة ب ١٠،٠٠٠$

عشان كدا لازم تعرف انك مش محتاج دايما تطارد تقنيات جديدة او مهارات اضافية عشان تكبر البزنس بتاعك او عشان توصل لعملاء احسن.

في الغالب انت محتاج تستهدف تارجت ماركت احسن، او انك تقدم ليهم

value

اعلي وتقدر توصل اليهم ايه ال

value

اللي تقدر تقدمها ليهم وللبزنس بتاعهم.

- معظم الناس بتنصح انك تشتغل بسعر رخيص في البداية

ودي غلطة كبيرة ونصيحة منتشرة ، الفكرة انك لو كونت قاعدة عملاء مكونة من ناس بتدور علي أرخص سعر عمرها ما هتتحول فجأة ل premium clients
او عملاء عندها استعداد تدفع لقيمة الشغل بتاعك ، في نفس الوقت لما بيجي عميل كويس ليك ويلاقي ان كل شغلك هو شغل بسعر رخيص، مش هيقبل انه يدفع ليك سعر عالي ده غير ان بيتفترض تلقائيا ان شغلك فيه مشكلة معينة او انك متقدرش تشتغل في مشاريع كبيرة

شارك معانا، ايه الغلطة اللي وقعت فيها من الغلطات دي ؟ او لو غلطت غلطة تاني مش موجودة بينهم

One response

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *